2. Attività
3. Gastronumìa
4. Salamerìa
5. Allevu u Porcu Cappusgiu

Salameria Corsa AOP - Porcu Nustrale in Luretu di Casinca

A salamerìa, Francescu Albertini a cunosce da sempre. Iniziatu da u babbu, hà ripresu a tradizzione famigliale fendu una salamerìa corsa AOP di prima trinca dipoi vinti nove anni.

Ghjè in L'Oretu di Casinca chi l'allevatore e pruduttore tene à so salumeria, stallatu natu à "a piana", piazza di u paese. L'allevu di i porchi corsi, di sterpa nustrale, si face à mezu à leccie, querci è castagni. Sò quì, centu cinquante purcelli à campà in libertà, di castagne è di ghjande tutt'una parte di l'annu.

Primurosu ad'ogni livellu di u sapè fà, è di a trasmissione. Francescu Albertini vi spalanca vulinteru e porte di u sò attellu, quì a fumata di figatelli e altre salame corse appese face nasce ind'e quellu chi entre a vuluntà d'assaghjà tuttu è vi mette "l'acqua in bocca". Ogni pezza t'ha a sò funzione. Tuttu ghje dispostu cun gran' primura. L'omu chi entre in st'attelu capisce subitu a maestria è u travagliu necessarie per ghjunghje à stu livellu di qualità.

A salamerìa Allevu U Porcu Cappusgiu hè labellizata AOP per u so prisuttu, u so lonzu è a so coppa.

Butteca in paese – Mercatu di l'Isula è Bastia

Francescu Albertini s'affacenda d'ogni puntu di a catena di a pruduzzione, da l'allevu à a trasfurmazione fin'à a vendita di u so salamu dipoi u 1988.

Aldilà di u magazenu di L'Oretu di Casinca, si po cumprà a robba di l'allevatore pruduttore nant'à u mercatu di l'Isula è pò dinù in Bastia, in vendita diretta.

Cumande per currispundenza. Pacchetti

S'è vo vulete, vi pudete dinù pruvede vi in salamu Allevu-U-Porcu-Cappusgiu chjamendu dirittamente à Francescu Albertini à u telèfonu per una cumanda per currispundenza, chì piglierà u vostru indirizzu è vi manderà i vostri prudutti da pacchetti ch'è vo riceverete prestu prestu in casa. Si pò pagà per sceccu.

Quand'ellu si scontra ghjente cume Francescu Albertini, un si pò ch'avè in core sti versi di Ghjuvanteramu Rocchi :

À porte spalancate
A Casinca riceve
È offre à chì ci vene
Amicizia è cunfortu

Indirizzu è cuntattu